KELAJAK QANCHALAR YAQIN

-

Umrimiz davomida o'tmishni unutishga qanchalik urinmaylik, tarixni eslamay yashash imkonsiz. Ammo butunlay tarixga bog'lanib qolish ham yaramaydi. Kelajakka intilib ertangi kunga ishonib yashash kerak. 

Kelajak yoshlar qo'lida degan gapni birinchi marta qachon eshitganingizni eslay olasizmi? Masalan, men maktab davrlarida eshitganman buni. Lekin bu gap undan avval ham bor edi. Beixtiyor savol tug'iladi: 
 O'sha yoshlar qo'lidagi, orzulardagi kelajak qachon keladi? 

Ehtimol, hozirgi avlod bundan 20 yil oldingilaridan salohiyatlidir. Biroq biz ko'zlagan kelajak aslida bundan ham yuksakroqda edi. Demak, kelajakni o'zgartirishni yoshlarga topshirish, biz istagandek hayotni yoshlardan kutish mumkin. Qaysiki hali tug'ilmagan yoshlardan. Biz xohlagan atmosferaga yaqin bo'lgan hayotda tug'ilib voyaga yetadigan yoshlardan. 

Fikrim sizga bema'ni bo'lib tuyulyaptimi? Demak siz men ko'rganni ko'rmagansiz, men bilgan narsani bilmaysiz! 
Chunki biz kutgan kelajak biz o'ylagandek yaqin masofada emas deb qo'rqaman. Kelajakdan umid qilib yashash bu - olma pish, og'zimga tush degan bilan barobar. Biz esa, keyingi hayotimizga ishonch bilan qarab, shunga yarasha harakat qilishimiz kerak! 

22:30  06.11.2019

Comments

Post a Comment

Popular posts from this blog

TINCHLIK QADRI yohud "Alvido, qurol!"

-
Image
Yaxshi yozuvchilar ko’p. Bundan esa yaxshi asarlar soni ham salmoqli ekanligi kelib chiqadi. Yaxshi adibdan hamisha yaxshi asar kutiladi. Chuqurlashmay qo’ya qolaman, gapning indallosi, shuki, Amerikalik mashxur yozuvchi, Nobel mukofoti laureati Ernest Xeminguey ana shunday yaxshi adiblar sirasiga kiradi desam also mubolag’a bo’lmas. Agarda buni isbotlash kerak bo’lsa sizga yozuvchining “Alvido, qurol” asarining tahlilini taqdim etaman.  Ushbu romanni o’qimaganlar uchun asar haqida qisqacha izoh beradigan bo’lsam, adib o’zining ushbu asarida inson huquqlari, uning qadr-qimmati va muhabbatning har qanday yovuz kuchlardan ustunligini yorqin ifodalab bera olgan.  Qiziqqanlar roman stujetini o'qib chiqing, xohlaganlar syujetni o'qimay turib, tahlilga o'tib ketishingiz mumkin.  Syujet Kitob urushda Italiya uchun jang qiluvchi amerikalik tenente (leytenant) Genrining kechinmalari haqida. U kamgap, mulohazali va kamtar odam bo'ladi. Ko'pchilik qatori urushni yo...
Read more

BAGʻDODDA NIMA GAPLAR?

-
Iroqning poytaxti Bag‘dodni hamma biladi. Lekin, O‘zbekistonda ham Bag‘dod degan joy borligini yaqin-yaqingacha ko‘pchilik bilmas edi.  Ayniqsa, Toshkentda talaba bo‘lgan paytlarimiz Bag‘dodlikman desak, boshqa viloyatlik tanishlarimiz hayron bo‘lishardi. Hatto bir safar pochtada Andijonda o‘qiydigan  o‘rtog‘imga “Bag‘dodda ko‘rishamiz” deb telegramma berganimda pochtachi rus opa yuzimga shubha bilan o‘qrayibroq tikilganini eslayman (shpion deb o‘ylagan bo‘lsa kerak). O‘zim ham nega qishlog‘imizning (tumanning ham) nomi Bag‘dod ekan, Iroqdagi Bag‘dodga qanday aloqasi bo‘lishi mumkin , deb ko‘p o‘ylardimu lekin u paytlarda durustroq manba yo‘qligi tufayli savolimga javob topa olmasdim.  Keyinchalik, 1996 yilda bag‘dodlik jurnalist Jo‘ravoy Sarimsoqov (Xudo rahmat qilsin) tumanning 70 yilligiga bag‘ishlab yozgan kitobida bu haqidagi qiziq bir ma’lumotga ko‘zim tushdi. Garchi bu chiroyli bir rivoyat bo‘lsa-da, zamirida mantiq borligi uchun odamning ishongisi keladi.  Ri...
Read more

Yurist va jurnalist Zafarbek Solijonov bilan suhbat

-
M: Avvalo intervyuga rozi bo'lganingiz uchun rahmat. Dastlab oddiyroq, keskin bo'lmagan savollardan boshlasak.  Nima uchun jurnalistikani tanlagansiz? Oilangizda jurnalist yoki yuristlar bo'lganmi yoki boshqa biror sabab turtki bo'lganmi?  Z.S: Oilamda yuristlar ham jurnalistlar ham bo'lmagan. Tadbirkorlar avlodidanman. Singapur va yana bir-ikki firmalarning yuristi bo'lib ishlayotgan vaqtim kun.uz'ni yoqtirib qolganman. O'sha vaqtlarda jurnalistikaga jamiyat e'tibori qayta tushgandi. Shundan so'ng jurnalist bo'lishga qaror qildim. Hozirda qalampir.uz'da ishlayman.  M: Adashmasam Karimov davrini yoqlaydiganlardan emassiz. Aytingchi, Karimov va Mirziyoyev davridagi eng katta tafovut nimada? Z.S: Inson hech qachon bildirgan fikri uchun qamalishi kerak emas. Shavkat Mirziyoyevning prezidentlik davrida qonun doirasida xohlaganimizni gapiryapmiz. Hatto Mirziyoyevning siyosatini ham bir necha martalab tanqid qilyapmiz. Islom Karimov davrida esa...
Read more